Verán de 1972. Un grupo de sete mestras organizan unhas vacacións, de cámping en cámping, por España, Francia e Italia en dous coches e dúas tendas de campaña. Tres delas xa eran amigas e coas outras catro compartían soamente a súa profesión. Ao longo desa viaxe, terán que se enfrontar a situacións imprevistas, algunhas divertidas e outras non tanto, que lles obrigarán a tomar decisións en común para solucionar os problemas que van xurdindo. Esas incidencias irán tecendo a cohesión do grupo, á par que descobren unha mirada nova sobre a situación política en España, vista desde Francia e Italia.