Este libro describe o periplo de 45 días realizado polo autor dende Recife a Río de Xaneiro pasando por Salvador de Baía, Belo Horizonte e Sao Paulo. As súas peripecias e encontros fornecen este texto cheo de curiosidades e reflexións, onde a corrupción política e a violencia cotiá conviven coa exuberancia das paisaxes tropicais, a riqueza artística das vilas declaradas Patrimonio da Humanidade e a sensualidade dun litoral ateigado de recantos coloniais como Olinda, Porto de Santos, Paraty e llhabela.