Un relato vitalista máis que saudoso que nos leva de novo á raíz da alegría da xente do común, que facía festa do traballo e que se arrepuña á dura rutina cunha sabedoría ancestral e popular. Unha viaxe ás palabras que quedaron enferruxadas por non usalas. Os Ancares convertidos nun territorio onde a realidade convive coa maxia de todos os días. Xosé Manuel Vega debuta na literatura con Déixate de ódegas, unha narración moderna e mestiza que liga e contiúa a tradición de voces como Neira Vilas ou John Berger.